Вольга Скрашчук - сакратар Камісіі

---

Нарадзілася ў горадзе Мінску ў Рэспублiцы Беларусь ў 1985 годзе. Скончыла гімназію № 56 г. Мінска. Гады навучання ў вышэйшых навучальных установах:

1. 2005 – 2010 Беларускі      нацыянальны тэхнічны ўніверсітэт (БНТУ) па спецыяльнасці      «інжынер-эканаміст».
2. 2011 – 2013 Палескі дзяржаўны      ўніверсітэт (ПалесГУ) па спецыяльнасці «Спецыяліст банкаўскай справы».
3. 2013 – 2014 Мінскі дзяржаўны лінгвістычны ўніверсітэт (МДЛУ) – павышэнне кваліфікацыі па праграме      вывучэння англійскай мовы на ўзроўні А2-В1.
4. 2019 – ІТ-Акадэмія, навучанне па прафесіі QA Engineer/Tester.

З 2010 па 2020 год працавала ў Нацыянальным банку Рэспублікі Беларусь у дэпартаменце валютнага рэгулявання і кантролю, дэпартаменце метадалогіі банкаўскага нагляду. За час працы ў банку ўдзельнічала ў міжнародных канферэнцыях у г. Дыліжан (Арменія) пры Цэнтральным банку Арменіі. Удзельнічала ў сустрэчах з МВФ, Сусветным банкам, канферэнцыях з удзелам цэнтральных банкаў Літвы, Польшчы, Чэхіі і іншых краін.

З 2020 па 2021 год працавала ў ОАО «НКФО «ЕРІП» у аддзеле інфармацыйных тэхналогій.

У 2021 годзе была арыштавана па «справе Зельцэра», пазней асуджана на 2 гады пазбаўлення волі па ч.1 арт.130 УК РБ і арт.369 УК РБ, а таксама прызначаны штраф у памеры 100 б.в. Утрымлівалася пад следствам у турме №8 г. Жодзіна, СІЗА-1 г. Мінска і СІЗА-3 г. Гомеля. Прызнана палітзняволенай. Пасля вызвалення я з'ехала з Беларусі разам з мужам і сынам. Прыблізна два месяцы мы пражывалі ў Тбілісі, (Грузія). Пасля пераехалі ў Варшаву (Польшча), дзе я пражываю дагэтуль.

У 2024 годзе ўдзельнічала ў выбарах у Каардынацыйную раду 3 склікання. У цяперашні час я з'яўляюся сакратаром Камісіі па сацыяльнай палітыцы пры Каардынацыйнай радзе. Адчыніла хостэлы ў Варшаве, займаюся бізнесам.